الثلاثاء 18 يونيو 2024

شړ الحليم بقلم ولاء حامد

موقع أيام نيوز

شړ الحليم
الفصل الأول 
نهى بعياط: الله يسامحك
نسمه بضحكه خبيثه: هايسامحني يا فشله والله ما عارفه عماد اتجوزك على ايه داه انتي لا شكل ولا منظر 
سهير : خلاص بقى يا نسمه في ايه حاطه نقرك من نقرها ليه
نسمه بنظره استحقار لنهي من فوق لتحت: تطلع مين دي علشان احطها في بالي يا بنتي دي خدامه برتبه زوجه بلا وكسه وياريت خدامه عدله دي خدامه موكوسه 
نهي بدموع: الله يسامحك انتي اصلا واحده مش كويسه
نسمه بشهقه: مين دي يابنت الرفدي وجابت نهي من شعرها سهير بلا مبالاه سابتهم ودخلت شقتها
طلع عماد وياسر ووليد على الصوت
ياسر بصوت عالي: ايه ايه في إيه 
نسمه أول ما حست بيهم رمت نفسها على السلم وشدت نهي عليها
وصل ياسر واټصدم ومقلش عنه في الصدمه عماد
عماد بصوت عالي: نهي وصلت انك تمدي ايدك عليها كفايه ساكت على عمايلك كل يوم
نهي بكسره ودموع: والله العظيم يا عماد معملتلها حاجه هي اللي نازله فيا تريقه من الصبح وتقول عليا فشله وخدامه فاشله

نسمه بدموع تماسيح: شايف يا عماد مراتك بهدلتني وكانت عايزه تزقني من على السلم
عماد بإعتذار: حقك عليا يا نسمه انتي اختي قبل ما تكوني مرات اخويا ويعلم ربنا
واتلفت لنهي اعتذريلها وبوسي رأسها 
نهي بكسره غمضت عنيها وبتهز رأسها 
عماد بزعيق: أقسم بالله لو معملتي اللي قولتلك عليه مش هتباتي فيها سمعتي
نهي بدموع زي الشلال مش عايزه تقف: تقدر تسأل سهير وهي تقولك اللي حصل 
دخل وليد شقته وطلب سهير
طلعت سهير ببرود: خير يا ابو محمد 
عماد: إيه اللي حصل نهي بتقول انك شاهده 
سهير انا مشفتش حاجه انا كنت في المطبخ زي زيكم ولما سمعت صوتكم دخلت تاني
نهي پصدمه: قولي والله العظيم انك مش كنتي واقفه وشوفتي وسمعتي اللي حصل
وليد بشخطه في اخوه: عماد شوف مراتك دايره تلطيش في الكل 
عماد بجمود: نهي كلمه ويمين بالله ما هاتنيها تعتذري لنسمه وبوسي رأسها وتعتذري لسهير على بجاحتك وكدبك
نهي بكسره: حاضر انا اسفه يا أم مالك وباست راسها ودموعها غلباها 
نسمه بخبث جات جمب ودنها: ولسه ايامك سودا يا فشله
نهى سمعت الاهانه وسكتت
وبصت لسهير بخذلان وخيبه أمل: انا اسفه يا أم ملك
هزت سهير رأسها بلا مبالاه
وبصتلهم كلهم ومره واحده حسبي الله ونعم الوكيل نعم المولى ونعم النصير شاهد يارب ظلمي وظلومتي رفعت ايدي ليك واحتسبت حقي عندك رد ظلمي يارب
عماد حس بنغزه في قلبه:نهي اطلعي على شقتك
هزت نهي رأسها وطلعت بهدوء وكسره
نسمه ببجاحه: شايف يا عماد مراتك بتتحسبن عليا
عماد بۏجع ولسه النغزه في قلبه: هي حسبنت على الظالم لو ظالمه يا أم مالك يبقى تخافي أصل ربنا بيقول للمظلوم من فوق سبع سمواتولأنصرنك ولو بعد حين
نسمه بلا مبالاه: لو ظالمه بقى وياريت تلم مراتك المره الجايه هاعملها محضر
سهير حست پخوف لما سمعت كلام نهى ودعاها على الظالم وحست ان ربنا هايعاقبها على سكاتها بس هي مش عايزه مشاكل بتحب تعيش في هدوء
دخل كل واحد شقته
وطلع عماد شقته بيدور على نهي لقاها ساجده ودموعها وشها وسمع حسبنتها تاني على ظلمها سلمت من الصلاه رفعت ايديها وتكمل دعاء واحتساب حقها عند الله
عماد بنغزه وۏجع :نهي
نهي مردتش عليه 
عماد كررها تاني: نهي بصيلي
نهي بردوا مردتش
عماد: نهي احكيلي اللي حصل
نهي بۏجع: مبقاش يفرق يا ابو محمد انتا كسرتني وعمرك منصفتني وانا وكلت أمري وحقي لربنا واللي عند ربنا عمره ما بيضيع انا رفعتها من قاضي الارض لقاضي السماء 
سابته ودخلت اوضة ابنها وقفلتها عليهم
عماد بره عمال يفكر ياترى مين ظالم ومين مظلوم وافتكر ان نهي حجابها كان متبهدل ورقبتها ووشها مليان خدوش ونسمة هدومها زي ماهي 
نفخ بصوت عالي: اووووووف يا الله مين ظالم ومين مظلوم انا تعبت نام عماد مكانه على الكنبه 
قام من النوم الصبح جسمه كله مكسر لقى الفطار على السفره دخل غسل وشه وغير هدومه علشان يروح شغله وقعد على السفره يفطر وأول ما ذاق لقمه اټصدم
ياترى عماد اټصدم ليييه ....؟؟؟
شړ الحليم
الفصل الثاني 
عماد استغرب وذاق من كل طبق لقمه ولقى الأكل من أجمل ما يكون 
عماد لنفسه: الله الأكل جميل يعني لا زايد ملح ولا محطوط توابل زياده ولا سكر مكان الملح معنى كده إيه إن نهى قاصده انها تعمل اكل وحش ولا حد متعمد اووووف وبعدين في الحيره دي بقى 
خلص أكل وحمد ربنا نزل دخل عند أمه
عماد بإبتسامه بشوشه: صباح الخير يا ست الكل
روحيه: يسعد صباحك يا قلب أمك اومال منزلتش إننا ومراتك تفطروا معانا ليه انهارده كان يوم نسمه وعملت فطار تاكل صوابعك وراه والله يا ابني بفكر اعفي مراتك من عمل الأكل وتشطب هي المواعين والمطبخ 
عماد بشرود لنفسه: نهي عامله أكل احسن من أكل نسمه مليون مره وكل مره نسمه تنتقد الأكل بطريقه غريبه كأنها عارفه علة الأكل قطع شروده صوت امه
عماد: ها بتقولي ايه يا ماما
روحيه :مالك يا ضنايا سرحت في إيه 
عماد بتعب وغيره: ولا حاجه يا ست الكل متشغليش بالك انا زي الفل اسيبك بقى واتوكل على الله اتأخرت 
روحيه :هاتروح على لحم بطنك يا ضنايا 
عماد ببسمة ۏجع: لا يا ست الكل فطرت عملت ساندوتش وكوبايه شاي
روحيه: روح يا ابني ربنا يستر طريقك ويكفيك شړ أولاد الحړام ويهديلك بالك
عماد وهو قايم: اللهم امين 
وصل شغله وقاعد بشرود ومش عارف يوصل لحاجه 
يوسف خبطه على كتفه: ايه يا عم اللي واخد عقلك دانتا لسه مكملتش سنه جواز وبقيت شايل الهم وسرحان
فاق عماد من شروده: بتقول حاجه يا يوسف
يوسف بإستغراب: مالك يا عمده اللي واخد بالك ومشيلك الهم
عماد بتعب: والله ما عارف الاقيها منين ولا منين ومبقيت عارف مين ظالم ومين مظلوم
يوسف بحيره : طيب اهدا كده وفهمني واحده واحده
عماد قص عليه كل شيئ 
يوسف: بص يا عماد مش كل اللي بتشوفه العين حقيقي
عماد بعدم فهم: يعني ايه بقولك لما طلعنا كانت مرات اخويا على السلم ومراتي فوقها 
يوسف بتوضيح: بس قولت بردوا ان مرات اخوك كانت هدومها زي ما هي ومفيهاش خربوش ومراتك حجابها مبهدل ووشها ورقبتها متعوره
هز عماد رأسه بتأكيد 
اكمل يوسف: وبردو قولت ان مراتك لما بتعملك الأكل فوق بيكون زي الفل وعشره على عشره ولما بتعمله تحت بيطلع بايظ معنى كده ان مرات اخوك پتكره مراتك حاجي على بيتك يا صاحبي مراتك اصيله وبنت أصول افتكر في أول جوازك لما كنت مديون علشان تخلص الشقه اديتك شبكتها بنفس راضيه مع انك قولت ان مرات اخوك يوم عمليته لما تعب رفضت رفض قاطع تبيع جرام 
عماد بتأكيد: فعلا حصل بس إيه علاقة داه بداه 
يوسف: يعني معادن الناس بتبان وقت الشده ومن كلامك ان مراتك عمرها ما كسرت كلمه ليك وبشهادتك انها اصلا مبتعرفش ترد على حد يبقى بالعقل هاتقدر ټضرب واحده زي مرات اخوك
عماد زادت حيرته: طيب أعمل إيه أنا تعبت
يوسف: اعزل نفسك وحافظ على بيتك وشوف رد فعل اللي حواليك لما تبلغهم بقرارك
هز عماد راسه بتفهم هاشوف واللي ربنا عايزه هايكون 
نهى طول اليوم مخرجتش من شقتها طلعت سهير تخبط عليها بصت نهى من العين السحريه ومفتحتش مبقاش عندها طاقه لحد
شويه وطلعت نسمه وفضلت ترن الجرس وتسكع على الباب بردوا بصت نهى من العين السحريه ومفتحتش نسمه من ورا الباب خليكي مستخبيه يا عجله يا فشله
نهى مسحت دموعها ودخلت اوضة ابنها 
نزلت نسمه عند حماتها لقيت سهير قاعده سرحانه 
نسمه بمكر: ازيك يا ماما 
روحيه: الحمد لله يا بنتي انتي عامله ايه اومال مالك ورودينا فين
نسمه ببرود: مالك في الدرس ورودينا في الحضانه
روحيه الله يعينك يا بنتي ويقويكي على تربيتهم
نسمه بخبث: اومال فين نهى مش انهارده دورها في الغدا 
روحيه: لا انهارده هطبخ انا وسهير وبعد كده نهى هاتشطب المطبخ بس مادام مش بتعرف تطبخ حرام النعمه اللي بتترمى دي 
نسمه بغل: يعني ايه
روحيه: يعني الطبيخ كل يوم على واحده مننا وهي هاتشطب المطبخ كل يوم 
نسمه بخبث ولنفسها: حلو اوي جتيلي بيضه مقشره يا نهى وليكي عليا في يومي لخليكي تغسلي مواعين الجيران كمان
دخلت روحيه ونسمه يجهزوا الغدا 
وطلعت نسمه شقتها صبرك عليا ومسكت تليفونها 
نسمه: ازيك يا قلبي وحشتني
ياسر : وانتي اكتر يا روحي 
نسمه بمياعه: بقولك يا قلبي عايزاك تجيبلي بسبوسه بالقشطه وكيكه شيكولاته اللي هي جواها شيكولاته دي
ياسر: تؤمري يا قلبي احلى كيك بركاني ليك طيب متخلي نهى تعملها مهي بتعملها حلوه جدا 
نسمه بكزه اسنان: لا يا قلبي انا عايزاهم منك انتا وزي منتا عارف انا مبكلمهاش انا اه قبلت اعتزارها بس مش هاتعامل معاها الا في أضيق الحدود علشان خاطرك انتا وبس
ياسر: يسلمي قلبك الأبيض وعقلك الكبير 
نسمه : تسلملي يا راجلي وسندي بقولك ابقى خبيهم دول منك لنسومتك ماشي
ياسر بإستغراب: ليه ما كلنا بناكل مع بعض من سنين وعمر ما حد جاب حاجه وخباها
نسمه بنفاذ صبر: يعني يا حبيبي بتكافئهم على اهانتهم وبدئت دموع التماسيح
ياسر : خلاص يا قلبي ولا يهمك هارن عليكي نزليلي السبت قبل ما ادخل البيت انتي تؤمري 
نسمه بإبتسامه نصر : تسلملي يا قلبي
قفلت نسمه وبشر انا وانتي والزمن طويل يا نهى الكلب بقى انا بسبب واحده زيك يقولولي ياريتك كنتي نصها هبله وهاتفضلي طول عمرك هبله بس على مين ان ما سودت عيشتك 
وصل عماد البيت واتفاجئ....
يا ترى عماد اتفاجئ بإيه.....؟
شړ الحليم
الفصل الثالث 
اتفاجئ بكلام سهير
سهير : بقولك يا ماما عايزه أسألك على حاجه كده
روحيه: قولي يا بنتي مالك من الصبح حاسه انك مش على بعضك وان في حاجه تعباكي
سهير بتعب: انا منمتش انتي عارفه ان طول عمري في حالي صح ايوه هو الموضوع بس يخص واحده صحبتي وشاغل بالي
روحيه : قولي يا بنتي وانا اللي يرضى ربنا هاقولهولك
سهير:صحبتي اطلبت للشهادة وقالت مشفتش وللأسف بسبب الكلمه دي الظالم اتحول لمظلوم المظلوم لظالم واتكسرت بسبب الموقف بس قالتلهم حسبي الله ونعم الوكيل هي كده عليها ذنب
روحيه وفهمت اللي فيها: ايوه طبعا يا بنتي الساكت عن الحق شيطان أخرس وكله كوم ودعوه المظلوم كوم يعني يا بنتي ربنا اسمه العدل والحق تقول الحق وتسيب الباقي على ربنا وربنا يستر من دعوه المظلوم يا بنتي ليس بينها وبين الله حجاب
سهير پخوف: هابقى اقولها يا ماما
عماد من بره يعني فعلا نهى كانت مظلومه تمااام اوي يا أم مالك وحق مراتي انهارده هايترد بالاصول

عماد ماما انتي فين 
روحيه: انا في المطبخ يا حبيبي 
عماد: ازيك يا أم ملك 
سهير بإرتباك: الحمد لله يا ابو محمد فين نهي الصبح طلعتلها بس مفتحتش
عماد بمكر: من إمبارح طول الليل تصلي وتدعي على اللي ظلمها والله ما عارف يا أم ملك احترت وقولت اكيد ربنا مش هايسيب الظالم لو كانت ظالمه او دعاها هايترد عليها ولو كانت مظلومه ربنا هايجيب حقها وما ربك بظلام للعبيد يا أم ملك
سهير بقبضة قلب: ان شاء الله 
ماما انا طالع يا حبيبتي 
روحيه: مش هاتتغدا معانا 
عماد بنفي: لا يا ست الكل تسلم ايدك هاشوف نهى الأول 
روحيه: ربنا يصلحلك الحال وينور بصرك وبصيرتك 
عماد : اللهم آمين 
طلع عماد شقته وفتح ودخل لقى الشقه زي الفل وريحة البخور اللي بتحبه نهى ماليها والتلفزيون شغال على قناة المجد بص على السفره لقى الغدا جاهز بصله وابتسم ودخل اوضته بس لقى نهى مش فيها 
خد دش وغير هدومه وخبط بالراحه على باب اوضه الأطفال 
فتحت نهى وعنيها مورمه من العياط طول الليل
عماد قلبه وجعه: نهى
نهى بصوت مبحوح: نعم يا ابو محمد 
عماد بعتاب: ابو محمد اومال فين حبيبي وسندي 
نهى: حبيبي كسرني وسندي خذلني فسندي بقى ربنا 
عماد بۏجع: حقك عليا انا بس الصدمه لجمتني
نهى: عند الله لا تضيع الحقوق يا عماد 
عماد: ونعم بالله طيب بقولك ايه بقى خدي دش كده وفوقي وغيري هدومك وانا هاخد الاكل اللي ريحته تفتج النفس داه وننزل نتغدا تحت 
نهى برفض: لا كل إنتا او خده وانزل انا كلت الحمد لله
عماد: عمرك ما تقدري تحطي لقمه في بوقك من غيري يلا ووعد مش هتلاقي إلا اللي يرضيكي
نهى بتعب: عماد الله يرضى عليك سيبني في حالي انا تعبانه انا من يوم ما جيت هنا وانا الكل بييجي عليا وبقول الحمد لله من فضلك انا تعبانه
عماد خدها في : حقك عليا تعالي بس وانا والله العظيم لاجبر كسرتك وارضيكي اسمعي الكلام يلا بقى
دخلت نهى غسلت وشها وغيرت وخدت ابنها على دراعها وجوزها رص الأكل على صنيه وخده ونزل والكل كان على السفره بياكلوا 
عماد: لا كلام على طعام بس السلام عليكم جميعا
الجميع في صوت واحد وعليكم السلام 
ياسر: تعالى يا عمده بسم الله 
نسمه بخبث: تعالي يا ابو محمد كلك لقمه بدل العك اللي يجيب مغص 
نهى دموعها نزلت وعماد خد باله استنوا بس دانا جايب أكل من المطعم جاهز يلا حط الأكل 
والكل بداء ياكل وعماد كل شويه يحط أكل قدام نهى 
نسمه بغل: في ايه يا ابو محمد يعني هي مفيهاش ايدين تحط لنفسها كفايه اوي بتاكل على الجاهز ويوم ما تعمل أكل بيترمي في الزباله
عماد پحده: ام مالك الزمي حدودك مراتي وانا حر معاها بس مين دي اللي أكلها يترمي في الزباله تصدقي انا بستغرب نهى أكلها ولا اجدع شيف والدليل على كده انكم بتاكله منه من غير ما اسمع تعليق حد عن توابل زايده ولا ملح كتير ولا سكر مكان الملح ولا غيره وغيره وغيره تفتكري داه معناه ايه 
نسمه بإرتباك بس قدرت تتمالك نفسها بسرعه: معناه ان مراتك بتعمل كده علشان تقرفنا ومحدش بطلب منها حاجه في البيت 
هز عماد رأسه وبسخريه تصدقي جايز الله اعلم بردوا 
وبص لأمه ماما
روحيه: نعم يا ضنايا
عماد : انا قررت اعزل انا ومراتي لوحدنا فوق منعا للمشاكل وعلشان كل واحد يكون براحته 
روحيه بحزن: يا ابني انا يهمني سعادتكم وبحب لمتكم حواليا ايه اللي حصل بس
عماد قام وباس ايدين امه: ياست الكل انا ومراتي كل يوم هاننزل هنا نقعد معاكي ونقضي بردوا سهرتنا زي كل يوم
روحيه: لو داه اللي هايرضيك خلاص اللي يريحك
نسمه بغل وخبث وشړ: يعني ايه الست نهى ترتاح واحنا نخدمها وتاكل على الجاهز 
عماد ببرود وهو بيتلذذ بأكل مراته: امممم مين قال كده يا أم مالك نهى تعبانه من محمد طول النهار وانا قولت اريحها خالص اصل انا ميهمنيش الا راحتها وبس مراتي وبس وخط أحمر الا بالحق يا ام مالك لما إمبارح مراتي وقعتك على السلم وضربتك كنتي زي الفل وهدوم وحجابك زي ما هو ومراتي هدومها مبهدله وشعرها متقطع وانتي وشك وايديكي مفيهاش خربوش ووش مراتي ورقبتها كلها خرابيش تفتكري من ايه 
نسمه وقد جف حلقها بس ردت بجبروت: وانا بدافع عن نفسي منها
عماد بإماءه بسيطه: عندك حق مضړوبه وسليمه وهي بټضرب ومبهدله قام مره واحده 
وباس رأس مراته وباس ايدها تسلميلي يا احلى نعمه ربنا رزقني بيها وسيبي الحق لله ظالم ومظلوم 
بالاذن احنا يا جماعه تصبحوا على خير
وسابهم وكلهم بيبصوا لبعض ولنسمه بشك
طلع الشقه ونهى  وعيطت جامد
عماد بحب: دموعك غاليه انا اسف حقك عليا ويا ستي رُب ضاره نافعه وغمزلها ولا إيه 
ضحكت نهى وخبت وشها في صدر عماد
عماد بضحك ليلتنا فل بالصلاه على النبي
طول الليل نسمه مهديلهاش بال والڼار قايده فيها 
نسمه لنفسها :اااااه يا ناااري بقى في الاخر بنت الرفدي دي تتعزل وترتاح وانا بقالي 13 سنه معكوكه مع الكركوبه دي اخدمها ماشي يا نهى الكلب ملحوقه 
تاني يوم صحى عماد مبسوط وبص على نهى بإبتسامه رضى وقام خد دش وغير هدومه وادى فرض ربنا ودخل المطبخ جهز ساندوتشات وشاي وفطر ومشي على شغله
نهى صحيت بإبتسامه 
يا ترى يا نهى إبتسامتك هاتدوم ولا لسه فيها مرار تاني
......؟؟؟
شړ الحليم
الفصل الرابع والأخير 
صحيت نهى بإبتسامه على حنان عماد عليها ورد كرامتها واعتبارها قدام الكل قامت من السرير ورتبته وبصت على ابنها اللي نايم في سريره الصغير نهى بفرحه: ربنا يديمك يا فرحتنا وسعادتنا وباسته ودخلت الحمام خدت دش وغيرت وادت فرضها ودخلت المطبخ لقيت باقي فطار عماد مسكت التليفون وقررت
نهى بصوت رقيق:صباح الخير
عماد بإبتسامه: صباح الهنا اقول صباحيه مباركه 
نهى بخجل: مصحتنيش ليه افطرك
عماد بحب: قولت ترتاحي من تعب امبارح وخصوصا انك منمتيش من اول امبارح 
نهى بحب: ربنا يخليك ليا انا قولت اطمن عليك 
عماد: ربنا يديمك ليا
قفل المكالمه وهو مبسوط وضحكته من الوزن للودن
يوسف بمرح: ايوه يا عم الله يسهله
عماد بفرحه باينه على وشه: الحمد لله ربنا يديم الفرح 
يوسف بشك: شكلك خدت قرار
عماد : اه ربنا نور بصيرتي وكشف الحق وعرفت ان مراتي مظلومه وقص على يوسف ما حدث بالأمس 
يوسف : بس خلي بالك اللي زي مرات اخوك مش هاتسكت وممكن ټأذي مراتك 
عماد: تصدق يا جو لحد دلوقتي بستغرب انا ازاي صدقتها وكسرت مراتي بس الحمد لله نهى عاقله 
يوسف: ربنا يسعدك يا عمده انتا طيب وتستاهل كل خير
عماد: ربنا يخليك يا صاحبي انتا اللي ساعدتني الفضل بعد ربنا ليك 
يوسف: الفضل لله اسيبك واكمل شغلي المدير على تكه 
عماد بضحك: ايوه الله يسترك عندنا بيوت وعيال
مش هانصلح من نحيه ونخرب من التاينه

عند نهى خلصت اللي وراها واطمنت ان ابنها رضع ونايم زي الملائكه وقررت تنزل لحماتها تحت ويادوب نزلت كام سلمه واتزحلقت من الصابون الي مكبوب على السلم مسكت في الدرابزين وحاولت تقوم بس الأرض مليانه صابون بصت شافت نسمه قدامها 
نسمه بخبث وشړ: ما يقع الا الشاطر معلش بقى العتب على الجسم يا عجله وانتي نازله بتبقى هاتهدي البيت دانتي لا شكل ولا منظر نسوان تقرف ياكشي يا اختي تقعي وتنكس..ر رقبتك ونرتاح من شكلك اللي يسد النفس وسابتها ونزلت شقتها وسكعت الباب 
نهى بدموع حاولت تتمالك نفسها وتقوم وبعد معاناه قدرت تشد حرف العبايه لتحت رجلها علشان متتزحلقش وطلعت شقتها مڼهاره من العياط 
غيرت هدومها وهي مفلوقه من العياط سمعت صوت تليفونها مسكته لقيت رحمه صحبتها الانتيم
نهى بدموع وصوت رايح من العياط : رحمه انا تعبانه اوي 
رحمه بلهفه وخوف :مالك يا نهي فيكي ايه صوتك عامل كده ليه ايه اللي حصلك
نهى بدموع وشهقات تقطع القلب: ن ن نس نس نسم نسمه
رحمه بتروي: اهدي يا نهى واتمالكي أعصابك الأول علشان تقدري تتكلمي 
فضلت رحمه تهدي في نهى لحد ما ارتاحت خالص
رحمه: ها هديتي كده 
نهى: اه
رحمه: احكيلي بقى مللك وايه اللي حصل وصلك لحالة الاڼهيار دي
نهى حكت لرحمه كل حاجه 
رحمه بصبر: يابت اللعينه دي مينفعش معاها العياط عجله مين اللي بتتكلم عليها انتي وزنك 70 كيلو تبص لنفسها اللي وزنها عدى 120 كيلو فعلا اللي فيه عله شايف الكل معلول بس ملحوقه اهدي كده واسمعيني للآخر ومن غير ما اسمعلك نفس وتنفذى اللي هاقولهولك بالمللي فاهمه
نهى: قولي انا سمعاكي
رحمه: ..........

نهى : يالهوي لحسن يحصلها حاجه 
رحمه: لا يا أختي اطمني مش هايحصلها حاجه بس درس كده حلو علشان متعرفش ترفع عينها فيكي تاني
متنيسش اني دكتوره 
نهى : يا رحمه انتي دكتوره بيطريه
رحمه بضحك: علشان كده عارفه اتعامل مع الحمير اللي عندك
نهى بضحك: ربنا يستر انتي دماغك دي سم داهيه في المصاېب حلولك في وشها لهوه
رحمه بضحك: ربنا يقدرنا على فعل الخير ويمنعنا عن اذيه الغير 
نهي بضحك: ليه رامز جلال بعد ما بينفخ الممثلين مقالب
رحمه بضحك: يا اختي داه تمثيل انما انا طبيعي وربنا
يلا سلام يا مزه عندي جاموسه بتولد 
نهى بضحك: الله يهديكي سلام

رجع عماد من الشغل بيشمشم 
نهي طلعت من المطبخ على صوت المفتاح: حمد الله على السلامة 
عماد وهو بيشمشم : لا اوعى تقولي 
هزة رأسها بضحك: ايوه هو ورق عنب وملوخية وطاجن باميه باللحمه الضاني في الفرن
عماد بضحك: صلاه النبي احسن
نهي بتقليد: أحسن 
نهى بتردد: عماد هو احنا ممكن ننزل نقعد تحت مع ماما انا عملتلها الكيك البركاني اللي بتحبه وعصير المانجه 
عماد بأس رأسها: ربنا يخليكي ليا خلاص نتغدا ونرتاح شويه وننزل تحت نقعد معاهم يكون الكل متجمع 
اتغدوا وريح عماد شويه 
نهى : عماد عمده اصحى بقى العشاء على أذان مش هاننزل
عماد بفوقان: طيب تمام هافوق بس ونصلي العشاء وننزل يا قلبي
نهى: ماشي يا حبيبي هاتمم على الحاجه 
وخلصوا صلاه ونزل عماد ونهى تحت وشال عماد محمد وشالت نهى الصنيه الكبيره ودخلوا على الجماعه تحت كلهم متجمعين 
عماد بفرحه: سلام عليكم يا جماعه
رد الموجودين وعليكم السلام 
ياسر: ايه يا عم وشك ولا القمر
عماد بضحك: طبعا مش متجوز القمر لازم أنور
وليد بيبص على الصنيه: إيه داه يا ام محمد
نهى بإبتسامه: داه كيك بركاني وعصير مانجا اللي بتحبه ماما
روحيه : تسلمي يا بنتي 
وليد : طيب هو للفرجه ولا للأكل 
نهى بإبتسامه: لاء إزاي حطت الصنيه على الطربيزه اللي في الصاله ووزعت على الكل وادت لكل واحد طبق وكوبايه مانجه 
الكل بياكل وهو بيتلذذ ومستغرب معقول هو داه أكل نهى اللي الكل كان بيتريق عليه 
حماتها: تسلم ايديك يا نهي والله الواحد كان عايز حاجه حلوه وبارده تطري على قلبه على الليل 
نهى بابتسامه: بالهنا على قلبك 
دقيقه والكل سمع صوت ريح جامد وريحه صعبه طلعت الكل بص لنسمه پصدمه وثواني وقبل ما تجري على الحمام إسهال فظيع بهدل الأرض قبل ما تتلحق توصل الحمام 
حماتها سدت منخيرها: الله يخيبك يا نسمه اكيد من الملوخيه اللي عملتها كانت تقيله 
وليد وسهير بارف: لالالا انا مش قادر اتحمل الريحه الله يعينك يا ياسر 
سهير بأرف: هي مراتك متعوده تعملها على الأرض كده 
يلا يا وليد انا هاطلع شقتي بطني قلبت
حماتها: خدوني معاكم مين اللي هاينضف الأرض والسجاد 
سهير: لا متبصليش انا مش طايقه الريحه 
نهى پصدمه: انا اسفه يا ماما والله ما هاقدر اتحرك الكل وساب نسمه في الحمام إسهال مزمن والريحه قلبت الشقه 
طلعت نسمه من الحمام لقيت الريحه بشعه وهدومها كلها مليانه دخلت عملت شاي بسرعه وتقلته لأنها عارفه ان الشاي بيهدي الإسهال 
ودخلت اوضه حماتها خدت غيار من عندها ولبسته بعد ما اتخلصت من اللي عليها وهي بټعيط ومصدومه وشربة الشاي ابو لمون ودورت على علاج يخفف الإسهال واخدته وطلعت فوق سمعت صوتهم كله جاي من شقه سهير
نسمه بشړ: اكيد انتي يا حربايه اللي عملتي كده حطتيلي ايه في الطفح اللي نزلتيه
نهى پصدمه: قصدك ايه انا عملت للكل وكلنا اكلنا وشربنا عماد من فضلك انتا عارف طبق نهى تحت هاته هو وكوبايه العصير
عماد : ليه انتي مش محتاجه تبرري لحد ولا تأكدي 
نهي: لو ليا خاطر عندك وغلاوه محمد عندك 
عماد هز رأسه بيأس: حاضر ونزل وهو سادد منخيره من الريحه وخد الطبق والكوبايه وطلع : هو داه طبعك يا ام مالك صح
هزت نسمه رأسها: ايوه هو 
خدته نهى واكلت الباقي منه وشربت باقي العصير وفضلت واقفه مكانها: ايه يا ام مالك يعني محصليش حاجه اديني كلت طبقك وشربت العصير في اي تهمه تاني
وعيطت وطلعت على شقتها وقفلت الباب وفضلت تضحك ومش قادره تمسك نفسها من الضحك وافتكرت
فلاش باك 
رحمه اسمعيني: هاتطلعي على الصيدليه البيطرية اللي في شارع...... وتقوليله عايزه ملين احصنه سايل نوع ...... 
نهى بإستغراب : ليه
رحمه: اسمعي للآخر وانتي مروحه اشتري سرنجه واعملي احلى كيكة شيكولاته ورصيها في الأطباق وطبق العقربه علميه حطي بصباعك حتة شيكولاته كده كعلامه كإنها نقطه وقعت بالغلط وقبل ما تنزل مباشره خدي ملو السرنجه من الملين وفضي الباقي في الحوض واكسري الزجاجه وارميها في الحمام وشدي السيفون وحطي بالسرنجه على الوش بس الوش بس يا نهى متنزليش لتحت وبعدين اغسلي السرنجه وأكسري السن وارميه في الحمام وشدي السيفون وحطي السرنجه فأي بامبرز من بتوع محمد من اللي في الباسكت واقفليها تاني فهمتي
نهي بذهول: ليه داه كله 
رحمه: هافهمك والأمر لله أولا كيكه شيكولاته علشان الطعم ميبانش وانتي قولتي انها طفسه وبتحب الشيكولاته جدا

ثانيا تحطي على الوش لأنها اكيد هاتتهمك لان ملين الخيول قوي جدا جدا جدا ومش هاتلحق اصلا توصل للحمام فإنتي هاتضطري تاكلي الباقي اللي هو الأخر يعني موصلهوش حاجه

ثالثا قولتلك تتخلصي من كل حاجه ازاي علشان منسبش حاجه للظروف فهمتي يا ام العريف 
نهى: يخربيت دماغك
نهايه الفلاش باك 
فضلت نهى تضحك لحد ما قعدت على الأرض

في شقه سهير
عماد: انا سكتت كتير على عمايل مراتك في مراتي اخرها لما اتهمتها انها ضړبتها واتلفت لسهير واخد مصحف كان على الطربيزه جمبه وحطه بين ايدين سهير أحلفي يا أم ملك على كتاب الله انك ماشوفتيش اللي حصل 
بصت سهير للارض وغمضت عنيها: لاء شوفت يا ابو محمد نسمه كل يوم تتريق على نهى وتقولها يا عجله يا فشله انتي هنا خدامه برتبه زوجه وياريت خدامه عدله لا دانتي خدامه فاشله ويومها هي اللي ضړبت نهي انا شوفتهم من العين السحريه ولما سمعت صوت رجليكم على السلم رمت نفسها على السلم اللي قدام الشقه وشدت نهى عليها وكمان هي اللي كانت بتبوظ اكل نهى انا كنت بذوق الأكل بعد ما تخلصه كان بيبقى زي الفل وريحه تفتح النفس
وليد بذهول: وليه مقولتيش لما سألوكي واستنجدت بيكي مظلومه دي دعت على الظالم مخفتيش على نفسك وبيتك وبنتك من رد الظلم 
ياسر بص لنسمه بشحوب: يعني ايه كنت دلدول الست رفع ايده علشان يضربها عماد مش محتاجه يا ياسر بس ياريت تقصر مراتك عن مراتي ودلوقتي اتهمتها ومراتي كلت طبق مراتك وشربت العصير 
دقيقه وسمعوا صوت ريح تاني قوي سهير صوتت خدها على شقتك مش هاينفع نبات في الشارع بسرعه ياسر رمى نسمه بره الشقه وهي ملحقتش ونزلت شقته حماتها بس السلم كان اتغرق  فضلت نسمه تعاني الويل طول الليل وياسر وروحيه باتوا في شقه وليد
وطلع عماد شقته لقى نهى نايمه وعلى وشها ابتسامه خدها في ونام قرير العين 
الصبح الكل صحي ومش عارفين هايعملوا ايه في البهدله اللي ملت البيت
روحيه بتعب: هانعمل ايه يياسر البيت ريحته زي البكابورت يا ابني ومش هاينفع نجيب حد ينضفه 
ياسر بحيره: مش عارف انا اصلا تعبت وعقلي واقف من إمبارح بعد كل اللي عرفته بحمد ربنا ان العيال كبيره ودلوقتي نايمين 
روحيه بغلب: يا ابني الله يهديك انا بقولك البيت ريحته لا تُطاق وانتا تقولي مش عارف ايه انا مش هفضل عايشه في شقة أخوك 
ياسر بص لسهير: ينفع يا ام
قاطعته سهير وهي بتكتم ضحكتها: لا يا ابو مالك والله ماينفع دانا كنت بعاني وانا بغير لملك اسأل أخوك متخيل اني هاقدر اشيل القرف داه من السلم لحد شقه ماما تحت غير اللي في الشقه معلش ومتزعلش من كلامي مراتك تنضف قرفها دانا لو طلعت وشوفت المنظر القرفه هاتنزل بطني وماهاقدر أمد أيدي في لقمه لا والله متزعلش مني
ياسر بقلة حيله انا هاطلع اشوفها فين 
وليد: معلش يا ياسر اتحمل واڼفجر في الضحك وهو بيفتكر الصوت اللي طلعته نسمه وأخوه بيرميها بره بسرعه وبيقفل الباب فضل يضحك وروحيه وسهير ميتين من الضحك ياسر بصلهم بذهول وبقى يخبط كف بكف فتح باب الشقه وأول ما طلع شاف المنظر وشم الريحه قفل الباب تاني ودخل 
وليد وهو مېت من الضحك على منظر اخوه وهو كاشش وشه وسادد منخيره: مالك يا ابني رجعت ليه تاني 
ياسر وعنيه مدمعه من الريحه: الريحه صعبه اوي بره كأن مسوره صرف صحي عموميه اڼفجرت في البيت هامووت 
روحيه بضحكه بتحاول تتكلم: طيب هانعمل ايه هانفضل محبوسين هنا
ياسر بقله حيله انا هاتصرف: طلع تليفونه ورن على مراته
نسمه بتعب: لسه فاكر ترن عليا وسايبني اموت هنا من التعب والريحه
ياسر بضحكه بس اتمالك نفسه: احمدي ربنا اني مطلقتكيش بس لينا كلام تاني وبمناسبة الريحه خدي أي زفت مطهر معوي عندك في الصيدليه اللي في الحمام ونضفي القرف داه مش هانفضل محبوسين من ورا جنابك 
نسمه بذهول: انا انضف دله كله لوحدي انا تعبانه ومش قادره والمنظر صعب انتا عارف إني بقرف
ياسر بجمود: داه قرفك محدش مجبر يشيلهولك وعليا الطلاق بالثلاثة يا نسمه لو منضفتي القرف لوديكي بيت ابوكي واحكيلهم اللي حصل قدام حريم اخواتك هااا واظن انتي عارفه 
نسمه بدموع: واهون عليك يا ياسر 
ياسر: زي ما هان عليكي الظلم قُصر الكلام نضفي القرف داه الواحد هايموت من الريحه وياريت تبقى تعدلي اكلك
قامت نسمه بدموع: وخدت غيار تاني من هدوم حماتها وخدت مطهر معوي...... ولبست طرحه ومدتها على وشها رايح راجع وجابت جوانتي من الصيدليه اللي في الحمام وكيس بلاستيك اسود كبير وقماش قديم وطلعت السلم بالراحه وبقت تلم القرف اللي عليه وهي مش قادره تتنفس يادوب عملت سلمتين وفضلت ترجع
قعدت على الأرض تاخد نفسها وقامت تكمل جوزها وحالف عليها بالطلاق وهاتتفضح فضلت تغل من نهى وتتحسبن وتدعي عليها
فضلت على الوضع داه ساعات لحد بالليل والكل ملتزم شققهم فوق عماد ومراته ووليد ومراته وياسر وأمه حتى العيال ياسر اتصل بيهم ييجوا شقه عمهم وليد 
استمر الوضع لحد العشاء 
خلصت نسمه وخدت دش وطلعت شقتها خدت دش تاني وهي قرفانه وعماله ټعيط
وطلعت خبطت على شقه سهير
فتح ياسر: إيه اخيرا خلصتي
هزة رأسها: ايوه
روحيه: سندني يا ابني علشان انزل شقتي تقلت عليكم من إمبارح 
وليد: خليكي يا ماما والله القعده وسطكم ما يتشبع منها 
طلعت روحيه ولقيت الريحه لسه موجوده بصت لابنها: معلش يا ياسر هاتلي يا ابني علبه فنيك وعلبه توكسفين خام وهاتلي معاك معطر جو بس نقي نوع مركز وانا هاعيد السلم والشقه بالشرشوبه
ياسر بحزم: لاء يا ماما انا هاجيب الحاجه والهانم هاتعيدها دي دعوه نهى المظلومه يا نسمه وسابهم ونزل دخلت نسمه قاعده وهي بتبصلهم بغل
سهير مره واحده افتكرت منظرها إمبارح واڼفجرت في الضحك وروحيه كتمت بوقها بإيديها بس جسمها بيتهز من كتر الضحك
نسمه بزعيق :ايه شايفين ارجوز 
سهير بشماته: لا يا حبيبتي كفا الله الشړ والنبي يا وليد اتصل بأبو مالك قوله يجيب بامبرز حجم خاص 
هنا الكل اڼفجر في الضحك
سابتهم نسمه پغضب وطلعت على شقتها
تاني يوم 
الكل صحي بس ياسر بات عند أمه 
روحيه : وبعدين يا ابو مالك هاتفضل يا ابني هنا كتير اتوكل على الله على شقتك عيب يا ابني حل مشاكلك مع مراتك بين 4 حيطان
ياسر بهم: مش علشان اللي عرفته عنها بس يا أمي أنا أملي خاب فيها أنا كنت بشيلها من على الأرض كان كلامها مصدق عندي للأسف يا حاجه ربنا بيفضل يستر الإنسان مره بعد مره بعد مره لحد ما بيخلص رصيده ونسمه رصيدها خلص من الستر نسمه بقت واحده معرفهاش مليانه غل وكره مخدتش بالي منه قبل كده لحد ما اتمكن منها دانا خانقت في اخوها لما روحت ولقيته بيزعقلها قالي انها ضړبت بنته وهي قالتلي ان البنت وقعت لوحدها بس لما قعدت امبارح طول الليل اكتشفت ان البنت وشها كان معلم عليه صوابع حاجات ورا حاجات كتير بالله عليكي يا ماما سبيني استوعب القلم اللي خدته في مراتي عشره 14 سنه
سهير بضحك: والله وجيتي تحت رجلي يا نسمه كنتي دايما تخوفيني انك هاتأذي بنتي كنت بضطر اسكت علشان احميها من شرك بس وقعتي ومحدش سمى عليكي 
مسكت تليفونها واتصلت 
سهير: ازيك يا بت يا سمسمه وحشتيني 
اسماء: سهير ازيك غريبه من زمان يعني مكلمتنيش
سهير: الدنيا مشاغل طمنيني عنك وعن بنتك عامله ايه دلوقتي
اسماء: الحمد لله على كل حال اهو من وقت آخر خڼاقه مع العقربه اللي عندك وهي مبتجيش ربنا يكفينا شرها 
سهير بمكر: مش عايزه تاخدي حقك منها
اسماء بإنصات: داه يوم المنى 
سهير : طيب اسمعي بقى وقصت عليها كل ما حدث
اسماء: اڼفجرت في الضحك يالهوووي وداه من إيه لوحدها كده 
سهير: اه والله العظيم زي ما بقولك واتهمت يا عيني نهي الغلبانه بس نهى كلت بقيت الكيكه وشربت العصير مكانها ومحصلهاش حاجه
اسماء : تسلميلي يا غاليه استني بقى الحفله يا بنت المقشفه يا نسمه الكلب يلا سلام
سهير: سلام يلا مش خساره في طيبه قلبها الأبيض

نسمه طول اليوم منزلتش من شقتها وهاتتجنن ازاي ومن إيه داه حصلها طيب مهو لو نهى نهى كلت طبقها وشربت العصير والغدا هي اللي جهزته يبقى من ايه
وياسر طول اليوم تحت عند أمه هو وأخواته بعد ما نضفوا البيت ورموا السجاده 
تاني يوم طلعت سهير خبطت على نهى
سهير بإبتسامه بشوشه: صباح الخير يا قمر
نهي بضحكه: صباح الخير يا ام ملك شكر على اللي عملتيه عماد قالي انك حكيتيلهم كل حاجه 
سهير : يعلم ربنا قلبي كان بيتقطع عليكي بس ربنا عالم بأسبابي بقولك إيه يلا ننزل تحت نقعد مع حماتي بدل ما هي قاعده لوحدها 
نهى : طيب يلا هاحط الاسدال عليا أهو 
ونازلين الاثنين لقيوا نسمه في وشهم 
نسمه بشړ: ايه يا عرة النسوان بقى ليكي رجل طالعه نازله الله يرحم ايام مكنتي بتجيبي السلم مكسوره تحت رجلي 
سهير: شوفي مين اللي بيتكلم عن العره طيب شوفي نفسك يا حبيبتي داه حتى عيبه في حقك تعمليها على نفسك داه ملك بنتي اللي عمرها 6 سنين بتدخل الحمام لوحدها ال على رأي المثل فوقه قرف وتحته قرف ويقول اف اف الناس ريحتها قرف يلا يا بنتي بطني قلبه من الريحه وشدت نهى ونزلوا وهما فطسانين من الضحك
نزلوا وخدوا قعدتهم وشويه ونزلت نسمه 
روحيه بطيبه: عامله إيه يا نسمه وبطنك عامله ايه دلوقتي 
نسمه بزعيق: قصدك ايه ها بتلمحي لأيه عرفيني 
روحيه پصدمه: علشان بطمن عليكي ابقى بلمح الله يهديكي 
قاطع زعيق نسمه تليفونها بصت بإستغراب وردت بجبروت معتاد: ايوه خير
اسماء بخبث: سلامتك يا نسمه معلش يا حبيبتي اكتر من كده وربنا بيزيح حكم السن بقى انا جبتلك يا حبيبتي علبه بامبرز من المقاسات الخاصه لحسن بطنك تسيب تاني في الشارع جوه البيت أهو مستور انما قدام الناس هانعمل ايه يلا معلش أهو ربنا بينضف بطنك عقبال ما ينضف قلبك وضحكت وقفلت السكه
نسمه بذهول وزعيق چنوني: انتوا اللي قولتو لمرات اخويا اللي حصل
روحيه بخضه: قولنا إيه يا بنتي كفا الله الشړ 
نسمه پجنون شدت نهى وسهير وعماله ټشتم وتزعق فيهم وقلعت الشبشب وكانت هاتضربهم لولا روحيه 
روحيه: انتي اټجننتي بترفعي الشبشب على سلايفك ليه ملهومش رجاله يقفولك ملكيش راجل يلجمك 
نسمه پجنون بعد ما اتفضحت: اخفي من وشي يا وليه يا خرافانه لانزل بيه عليكي
روحيه بزعيق مماثل طيب ما تجربي وانا اوريكي وطلعت تليفونها 
روحيه: ايوه يا ياسر سيب اللي في ايدك وتعالي البيت حالا 
اطلعي على شقتك لحد ما ييجي جوزك

مفيش ربع ساعه وياسر جه على ملا وشه 
ياسر پخوف: في ايه يا ماما مالك انتي كويسه 
روحيه بتعب ودموع غلبت في عنيها: طول عمري بعامل مراتك وحريم اخواتك بناتي عمري مقومت واحد على مراته عمري ما اتدخلت في حياتكم بس لأول مره هعملها يا انا يا نسمه في البيت داه
ياسر بجمود: إيه اللي حصل يخليكي تقولي كده
روحيه: ملهوش لازمه الكلام خد مراتك وشوفلك شقه بره 
ياسر بذهول: إيه اللي حصل
سهير : مراتك شتمتنا وشتمت امك ورفعت علينا وعليها الشبشب وكانت هاتضربنا بيه ومراتك كانت كل ما بټأذي نهى كانت بتهددني لو اتكلمت هاترمي بنتي من السلم وانتا عارف ان ملك عندها فرط حركه يعني بتلعب كتير وتطلع وتنزل كنت بخاف منها على بنتي انتا عارف انا معنديش غيرها 
ياسر بذهول: رفعت الشبشب على امي 
واكمل بتوهان انا متجوز مين دي اكيد مش مراتي مهو انا مش مسطول علشان تبقى مراتي شيطان كده وانا معرفش 
وسابهم وجري على شقته 
نسمه بدموع تماسيح: شوفت يا ياسر نهى وسهير بهدلوني وذلوني واتصلوا بمرات اخويا وقالولها
ياسر بجمود غيري هدومك هانروح مشوار
نسمه پخوف: هانروح فين 
ياسر بنفس الجمود: مشوار هايعجبك أوي 
نسمه بقلق دخلت من سكات غيرت وطلعت نزلت هي وجوزها وركبوا العربيه واتحرك بيها 
نسمه: احنا رايحين فين داه طريق بيت بابا 
ياسر ببرود: هاردلك حقك من مرات اخوكي
نسمه بإبتسامه: هو داه ياسر حبيبي 
ياسر بۏجع: اومااال
وصل ونزل هو ومراته ودخل البيت كانوا بيتغدوا 
نسمه بصت لمرات اخوها بشړ يعني استني اللي جاي
ياسر: ازيك يا حاج انا طول عمري راجل عمر أيدي ما اترفعت على ست امي ربتنا بعد ابويا بميه راجل
ابو نسمه: طبعا يا ابني ليك 14 سنه متجوز عمرنا ما شوفنا منك إلا كل خير
ياسر: من سنه وتحديدا من يوم جواز اخويا عماد والمشاكل قامت في البيت ومرات اخويا كانت هاتموت هي واللي في بطنها وكنت لبنتك العون والسند ولما تعبت ودخلت المستشفى بنتك رفضت تبيع جرام من دهبها علشان أعمل العمليه واخواتي وأمي هما اللي اتصرفوا وقولت شيلاهم لعيالها وللزمن مهو لو مت هايبقى مۏت وخړاب ديار واخر داه كله اكتشف اني متجوز شيطانه في البيت بنتك شتمت امي ورفعت عليها الشبشب وكانت بټضرب مرات عماد وكانت هاتسقطها ولما ام ملك مرات وليد شافتهم قالتلها لو نطقت هاترميلها بنتها من على السلم وانتا عارف ان البنت عندها فرط حركه بنتك عندك يا حاج انا لولا اني ابن أصول ومتربي كنت خليتك جيت اخدتها من المستشفى بنتك طالق طالق طالق وعيالي معايا مش هأمن عليهم معاها وسمها يطولهم وسابهم ومشي

ابوها :اللي قاله جوزك صح انطقي سكتت ودموعها نزلت
ابوها واخوها نزلوا فيها ضړب لما تعبوا من انهارده زيك زي الخدامه في البيت واضح انتي دلعتك لحد ما فجرتي دلعتك لحد ما اتفرعنتي كان معاكي راجل ولا كل الرجال ليكي حما بلسم تتحط على الچرح يطيب 
من هنا ورايح رجلك مش هاتعتب الشارع وريني هاتعملي ايه 
بعد مرور 5 شهور
عند نسمه في المطبخ بتغسل المواعين ودموعها نازله من الذل كانت ملكه في بيت جوزها ليه کرهت نهى يمكن علشان الإنسان بيستقوي على اللي أضعف منه 
اااه والف اااه من الحسره
دخلت اسماء : اللهم لا شماته شوفتي الدنيا دواره اذيتي كتير وحاولتي تخربي حياة كل اللي حواليك محدش سلم من شرك حتى اخواتك بنات ورجاله يُمهل ولا يُهمل
وسابتها وخرجت للندم ينهش فيها على شرها

يوم الجمعه العائله كلها متجمعه والضحكه صافيه على الوشوش وياسر بيتناسى نسمه واللي عملته والعيال ضحكتهم طالعه من القلب وعماد ونهى عايشين حياتهم في سعاده 
وسهير ووليد مبسوطين وسهير حامل بعد ما عرفت ان نسمه كانت بتحطلها برشام منع الحمل في الشاي كل يوم يعني مش مشاكل بعد ولادتها الأولى 
وروحيه مبسوطه بلمه عيلتها حواليها

وتوتا توتا خلصت الحدوته حلوه ولا ملتوته